IDENTIFIKOHU

“Nepunesit Civil” ne kuptim te ketij ligji jane ata nepunes te institucioneve te administrates publike te nivelit qendror apo vendor, te cilet ushtrojne autoritetin publik, ne detyra te natyres drejtuese, organizuese, mbikqyrese apo ekzekutuese, percaktuar sipas nenit 11 te ligjit te Statusit te Nepunesit Civil

Hyr Trajnime Pyetje per Trajnim Regjistrohuni
Regjistrohu/Profil  
Albanian English

Në 8 dhjetor, drejtori i DAP, znj. Albana Koçiu, ishte e ftuar në një bashkëbisedim të hapur me të rinjtë, organizuar nga kryetari i Bashkisë së Tiranës, z. Erion Veliaj në kuadër të Ditës Kombëtare të Rinisë. Në takim u diskutua për mundësitë e punësimit të të rinjve, për programet, projektet dhe platformat që janë krijuar posaçërisht për ta.

 

Ndërsa shprehu kënaqësinë për iniciativën e veçantë të punësimit të ekselentëve, falë “Paktit të Universitetit”, znj. Koçiu tha se, 300 ekselentë gëzojnë tashmë statusin e nëpunësit civil në administratë.

 

Ajo foli gjithashtu dhe për thirrjen e vitit 2020, ku theksoi se shpallje të tilla do të bëhen për çdo vit kalendarik: “1/3 e vendeve në administratën publike i dedikohet dhe do të vijojë t’i dedikohet punësimit të të rinjve, një mundësi kjo në formë shpërblimi për të gjithë mundin, sakrificën e familjeve për të edukuar fëmijët e tyre. Në 4 dhjetor ishte afati i fundit i aplikimit për 108 vendet vakante të thirrjes 2020, ndërkohë që DAP vijon punën për fazat e mëtejshme”.

 

Një tjetër iniciativë që përmendi znj. Koçiu gjatë këtij takimi ishte dhe punësimi i të rinjve nga Programi Kombëtar i Praktikave të Punës. Nga viti 2015 e deri më tani janë mbi 3 mijë studentë që kanë zhvilluar praktikën në institucione të ndryshme shtetërore, e 1 mijë prej tyre janë punësuar me kontratë pune, ekseperiencë kjo që DAP e njeh si përvojë pune në procedurat e rekrutimit.