Komiteti Drejtues i Projektit IPA 2014 “Zbatimi i reformës së shërbimit civil në administratën publike” zhvilloi në datën 30 shtator mbledhjen e tij të fundit ku prezantoi dhe raportin final të projektit.

Në takimin e zhvilluar online, ekspertët shqiptarë dhe të huaj vlerësuan dhe përgëzuan zhvillimin me sukses të aktiviteteve të fundit të projektit.

Komiteti Drejtues falenderoi angazhimin maksimal dhe qasjen pozitive të institucioneve të përfshira në këtë projekt 3 vjeçar.

Edhe pse një pjesë e aktiviteteve u realizuan me vështirësi për shkak të pandemisë, ekipi i projektit ia doli të mbyllte në kohë dhe me sukses të gjitha aktivitetet e parashikuara.