Në datën 5 prill, stafi i Departamentit të Adminstratës Publike dhe institucione të tjera të administratës shtetërore ndoqën trajnimin me temë: “Transformimi Digjital i Punës në Administratën Publike - Inteligjenca Artificiale Gjenerative”.

Gjatë fjalës përshëndetëse, Ministri i Shtetit për Administratën Publike dhe Antikorrupsionin, znj. Adea Pirdeni, tha se trajnimi do t’ju shërbejë punonjësve të administratës publike të njihen me bazat e platformave të AI si: ChatGPT, Gemini dhe Copilot.

Inteligjenca artificiale po revolucionarizon mënyrën se si i qasemi punës, tha ministrja, por gjithmonë duhet të udhëhiqemi nga përgjegjshmëria dhe përdorimi etik.

Trajnimi u organizua nga Ministria e Shtetit për Administratën Publike dhe Antikorrupsionin në bashkëpunim me Agjencinë e Inovacionit dhe Ekselencës, në kuadër të shndërrimit të administratës publike duke përdorur teknologjinë inovative për të rritur efikasitetin, produktivitetin dhe transparencën në përditshmërinë e punës në administratën publike.