Me fokus planin e rienergjizimit dhe transformimin e mëtejshëm të administratës publike, Ministrja e Shtetit për Administratën Publike, znj. Adea Pirdeni zhvilloi një takim me profesionistë të administratës publike dhe kabineteve që janë rikthyer përgjatë viteve nga përvojat studimore dhe profesionale jashtë Shqipërisë për të kontribuuar në sektorin publik. 

Duke folur për reformën e pagave e cila do të shtrihet edhe përgjatë këtij viti, ministrja tha se, plani i transformimit do të vijojë me ritme të shpejta, duke vendosur theksin tek meritokracia dhe modernizimi, si kushte të domosdoshme për të tërhequr gjithnjë e më shumë të rinjtë që aktualisht ndodhen si brenda edhe jashtë vendit dhe duan të japin kontributin e tyre për Shqipërinë Evropiane.